الجمعة، 28 أكتوبر، 2011

قصيدة غزل للشاعر طانيوس عبده القصيفي ( المعروف بطانيوس عبده 1903- 1974)



ريتن يموتو الجوع هالنحلات                         ليش عم بيحوّمو عليكي
بيستخلصو العسلات والقطرات                     ويرفرفولك حول خدّيكي
ورح قوم أقصف عمر هالنسمات                    ليش عم يقرّبو لَيكي
بيليعبو بشعرك الخصلات                            وبيخربشولك حدّ دينيكي
تخمين ليش ما بترشقي النبلات                      صوب السما من جفون عينيكي
بتنزّلي أربع خمس نجمات                            يتكتّفو ويمشو حواليكي
من شعاعهم بيحيّكو بدلات                            من الحرير يتخرمشو دَيكي
ويفلشو رموشن على الطرقات                       مطرح البتدوس رِجليكي

هناك تعليق واحد:

olga يقول...

MARIE !!!!! RAWOU3A !!!!! MA MERE répetait ses poemes.....ya ret tu peux me trouver le poeme qu il a dédié a sa fille lors de son mariage ...halla2 ya benteh bayt bayik waddi3i..merciiiiiiii