شعنينة مباركة

شعانين الريحانيّة في مراحل مختلفة

"صمدة القربان" في كنيسة مار الياس - الريحانيّة

مصمّم "صمدات القربان" ومنفّذها جورج عزيز القصيفي

أغنية الأمّ لطفلها - طانيوس عبده القصيفي (1903 - 1974)

اقترح المغترب اللبنانيّ السيّد وديع أبي سمرا (من بسوس – لبنان) وهو أديب وتاجر معروف في سان باولو – البرازيل، مسابقة لأغنية الأمّ ففازت هذه الأغنية بين 48 قصيدة وقد أذاعتها محطّات في البرازيل وغنّتها الأمّهات لأولادهنّ (من ديوان طانيوس عبده القصيفي).

                    بتستحلي عيوني تلمّك وللقلب تفوت       يا زهرة مهجة إمّك يا روحي سكوت

                                                     *****

                    عِرْق الزنبق يِغنجلك بنهار العيدْ           ومن زهراتو ينسجلك مريول جديد

                   وبتمنّى بقلبي لأجلك ينشكّ جِريد            ولا بْريد بدعسة إجرك عقصة برغوت

                                                    *****

                   بمشْلَح عمري لفّيتك وضلوعي سرير         ومن عينيي عِزّيتك أكتر بكتير

                   انطال العمر وربّيتك بطلب ت تصير        صاحب بيت ومن بيتك يشتقّ بيوت

                                                    *****

                    نسمات العطف تميلك والغيم امتدّ            فوق سريرك يشليلك قطرات الندّ

                    والله يضلّ مقابيلك يحرس هالقدّ             وملايكتو تغنّيلك عالطهر بيوت

                                                    *****

                    نبلةْ عينك صوّبها ع جبين الدهر           وظلمات الليل غلبها وموّتها قهر

                    والبسمات استجلبها من شفاف الدهر         ومن لهتاتك قلّبها مربّا وبَسْكوت

                                                    *****

                     خصلة شعرك نفّشْها الليل وخلّاك           نجوم الجوّ تناغشها من غير سْلاك

                     ودفقة نور مفلفشها ع وجّ وملاك            والله بإيدو مطرطشها بكبوش التوت

                                                   *****

                     توقّا يا إبني توقّا تترك لبنان                  جبالو صنعتها بدقّة يدّ الرحمان

                    ونسماتو نعومي ورقّه وبَحْصو مِرجان          وترابو مِسك مفقّا وعنبر مفتوت

من ألبوم عائلة طانيوس القصيفي (1)

ماري وسميرة وهيام ومارون وموريس

ماري وسميرة وهيام

عائلة سليم وإميلي مشلب